Boazodoallu lea dehálaš ealáhus ja dehálaš kulturovddideaddji. Dát addá boazodollui riikkaidgaskasaš riektesuodjalusa, dás čujuhuvvo erenoamážit ILO konvenšuvnna nr. 169:ii. Sámediggi lea fuolastuvvan das go boazodoallu čađat ferte gillát deaddima iešguđet guovllus nu ahte boazodoallu ollu guovlluin dál lea váttis dilis.

Sámediggi berošta erenoamážit das ahte ođđa boazodoalloláhka galgá sihkkarastit ja ovddidit boazodoalu vai mis maiddái boahtteáiggis sáhttá leat ceavzilis boazodoallu. Dat dokumeanttat maid Sámediggi dán rádjai lea ožžon ráđđehusas, eai atte oadjebasvuođa das ahte ođđa boazodoalloláhka sihkarasttášii ja ovddidivččii boazodoalu. Sámediggi ballá das ahte dat riektesuodjalus, mii boazodoalus lea riikkaidgaskasaš lágain, erenoamážit ILO-konvenšuvnna nr. 169:s, dál raššuduvvo.

- Eat sáhte doarjut ráđđehusa láhkaevttohusa muđui go dahkkojuvvojit hui stuorra rievdadusat sisdoalu dáfus, ja dál lea Ráđđehusa duohken árjjalaččat váikkuhit dasa ahte nu dáhpáhuvvá, dadjá Sámedikki presideanta Aili Keskitalo kommeantan áššai.

Gulahallanolbmot:
ráđđelahttu Randi A. Skum, tlf: 970 90 338
ráđđelahttu Aili Keskitalo, tlf: 971 29 305

(Gáldu: Sámedikki preassadieđáhus)